Vigo súmase á Semana Europea da Mobilidade co Bus Turístico gratis o sábado 20 e o domingo 21
O Concello de Vigo súmase, este sábado 20 e o domingo 21, á Semana Europea da Mobilidade coa proposta de catro viaxes gratuítas no bus turístico para todos os titulares da tarxeta PassVigo, previa reserva en liña na plataforma Woutick!.
A primeira tenente de alcalde, Carmela Silva, anunciou hoxe a participación do Concello de Vigo na Semana Europea da Movilidade cos percorridos gratuítos no Bus Turístico, en horarios de 10.00, 12.00, 16,30 e 18,20 horas, programados para esta próxima fin de semana.
A edil explicou que a iniciativa municipal permitirá aos viaxeiros descubir a cidade desde unha nova perspectiva. Silva destacou que desde decembro de 2024 Vigo conta con 20 novos autobuses híbridos, 5 buses Solaris Urbino 12 hybrid e 16 unidades Mercedes Benz. Todos os vehículos son cento por cento accesibles e incorporan a tecnoloxía máis avanzada en seguridade viaria e eficiencia enerxética.
Silva incidiu en que esta iniciativa se emnarca na estratexia do Concello para fomentar a concienciación sobre os beneficios dos desprazamentos no transporte urbano: comodidade, eficiencia, aforro e respecto polo medio ambiente.