Caballero eloxia a calidade da automoción viguesa na inauguración do 34º Salón do Automóbil de Vigo
Esta tarde deu inicio unha nova edición do Salón do Automóbil de Vigo, o evento de referencia para os amantes do motor en Galicia. Dende hoxe e ata o 16 de marzo, o Instituto Feiral de Vigo (IFEVI) acolle máis de 20.000 m² de exposición, nos que se reúnen os principais fabricantes do sector, que presentan as súas novidades máis destacadas. Nesta edición, preto de 40 marcas ofrecen aos asistentes unha ampla variedade de opcións de compra, desde os vehículos máis punteiros en tecnoloxía eléctrica e híbrida ata os clásicos de gasolina e diésel. O público poderá gozar, ademais, dunha variada oferta de lecer relacionada co mundo do motor, con exposicións de superdeportivos, coches de rally, entre outras opcións.
