Alumnado do CEIP Illas Cíes percorre as dependencias municipais dentro do programa "Visita ao teu Concello"
O alcalde recibiu hoxe no Salón de Plenos do Concello aos 50 alumnos de quinto e sexto de primaria do CEIP Illas Cíes que participan no programa didáctico "Visita ou teu concello" . Explicoulles o funcionamento da administración municipal e a importancia da actividade e das decisións que adopta cada día o Concello para garantir o benestar da cidadanía de Vigo. Ao longo do curso máis de 2.000 escolares da cidade participan na iniciativa didáctica municipal para fomentar o coñecemento do Concello de Vigo.
