Vigo é a cidade co mellor nivel de inglés de España
O alcalde deu conta do ranking publicado por Education First no que sitúa a Vigo na cabeza das cidades de España no coñecemento do idioma inglés.
Caballero deu a coñecer que Vigo é a cidade de España con máis nivel de inglés. Así o reflicte o Education First Profiency Index que sitúa a Vigo á cabeza da listaxe con 585 puntos e un nivel alto de inglés. Esta puntuación supón unha suba con respecto ao ranking do ano 2023, no que tamén Vigo foi recoñecida como a cidade con máis coñecemento do idioma inglés. Tamén no ano 2022 xa foi recoñecida como a cidade con máis nivel de inglés de España.
“Apostamos polas becas de inglés porque queremos que a mocidade de Vigo fale inglés, o idioma do mundo, amais de galego e castelán”, expresou o rexedor.