O Auditorio de Castrelos celebrou a vitoria da Selección Española na Eurocopa
Milleiros de persoas acudiron ao convite no Auditorio de Castrelos para ver o partido da final da Eurocopa entre a Selección Española de Fútbol e Inglaterra, no que “La Roja” saíu vitoriosa 2-1 fronte ao equipo inglés. Os asistentes gozaron da retransmisión do partido nunha pantalla xigante. “Castrelos petado”, afirmou o rexedor, que louvou e felicitou á Selección por converterse no equipo nacional que máis veces gañou este campionato, xa que saíu vencedora en 1964, 2008, 2012 e 2024.
u
