Comeza o prazo de solicitude das axudas para instalar ascensores en edificios residenciais
O BOPPO publica hoxe as bases das axudas para mellorar a accesibilidade en edificios residenciais. As comunidades ou grupos de propietarios poderán pedir desde hoxe estas achegas.
![](https://xornal.vigo.org/storage/images/opt/LsIibd9meB2nv7cO5KRU8txPnYWN3duBxBx5sdy4.jpeg)
Hoxe martes comeza o prazo para solicitar as achegas para a instalación de ascensores, mellora da accesibilidade e eliminación de barreiras arquitectónicas en edificios residenciais colectivos. O BOPPO publicou hoxe as bases destas axudas que se adxudicarán en réxime de concorrencia competitiva. Cun orzamento de 100.000 euros, o importe máximo a subvencionar por edificio residencial colectivo é de 3.000 euros para actuacións realizadas entre o 1 de xaneiro e o 15 de outubro de 2023.
Son as comunidades de propietarios ou os grupos de propietarios os que deben presentar as solicitudes para as seguintes actuacións: ascensores, ramplas, plataformas elevadoras, barandas ou obras que teñan por finalidade salvar os desniveis entre beirarrúas e o portal ou entre o portal e o ascensor.