Manel Fernández destaca a "particularidade da Subida ao Castro", que contará con medio milleiro de atletas
O concelleiro de Deportes, Manel Fernández, presentou hoxe a novena edición da Subida ao Castro, a penúltima proba do Circuíto Cidade de Vigo de carreiras populares, que se disputará este domingo 14 de decembro ao mediodía.
![1418315967deportes.jpg 1418315967deportes.jpg](https://xornal.vigo.org/storage/xornal-historico/medi/xornal/noticias/imx/opt/1418315967deportes.jpg)
"É un carreira especial, breve pero intensa, cun percorrido apaixonante, atractivo e específico", en razón de que se fai en subida e salvando chanzos, afirmou o concelleiro na rolda de prensa.
Con preto de medio milleiro de inscritos, a meirande parte dos atletas que compiten no circuíto que patrocina o Concello e que ten dotación específica de premios ao remate do ano, a proba contará este ano ademais cun compoñente solidario, pois nove bombeiros do Concello de Vigo competirán cos seus equipos para que o afeccionado que segue a carreira poida velos en acción á vez que solicitan unha axuda solidaria para o Banco de Alimentos, que necesita comida para nenos, aceite de xirasol, cacao e leite.
Precisamente xunto co concelleiro e o organizador, Guillermo Janeiro, de Singletrack, atopábanse varios dos bombeiros participantes. José Villar e Pablo Senra explicaron que utilizarán "o mesmo equipo de protección individual, mascarilla e botella de osíxeno incluídas", que si estivesen intervindo na extinción dun incendio. "É un equipo de vinte quilos, teremos que regular moito o osíxeno que levaremos porque o habitual é que dure trinta minutos nun incendio pero esta é unha situación diferente".
O edil subliñou que é unha fin de semana moi atlética, ao xuntarse tres carreiras, a Subida ao Castro (domingo), o Memorial Andrés Abanqueiro de cross escolar en Castrelos (domingo) e a Nocturna Manuel Dalmeida en Bembrive (sábado). Ademais, tamén apuntou que o "boom" do atletismo é unha realidade completa, "con 45 probas este ano". O responsable do deporte da cidade felicitouse polas cifras de 2014, "con máis de 12.000 participantes nas carreiras en ruta".
Para rematar, Janeiro destacou a presenza entre os inscritos de triplo ganador da Subida, Marcial Rodríguez (edicións primeira, segunda e cuarta), o dobre campión da mesma, José Antonio Ramallo, e de Rafael Fuentes, que inscribiu o seu nome no palmarés un ano e en 2013 terminou segundo.
A carreira iníciase ás 12:00 horas en Montero Ríos, subindo dende o Casco Vello á entrada do castelo do Castro.
O Concello apoia a proba cos trofeos (a exitosa medalla de Vigo) e a seguridade do evento (Policía Local e Protección Civil).
Descargar todas as imaxes
Con preto de medio milleiro de inscritos, a meirande parte dos atletas que compiten no circuíto que patrocina o Concello e que ten dotación específica de premios ao remate do ano, a proba contará este ano ademais cun compoñente solidario, pois nove bombeiros do Concello de Vigo competirán cos seus equipos para que o afeccionado que segue a carreira poida velos en acción á vez que solicitan unha axuda solidaria para o Banco de Alimentos, que necesita comida para nenos, aceite de xirasol, cacao e leite.
Precisamente xunto co concelleiro e o organizador, Guillermo Janeiro, de Singletrack, atopábanse varios dos bombeiros participantes. José Villar e Pablo Senra explicaron que utilizarán "o mesmo equipo de protección individual, mascarilla e botella de osíxeno incluídas", que si estivesen intervindo na extinción dun incendio. "É un equipo de vinte quilos, teremos que regular moito o osíxeno que levaremos porque o habitual é que dure trinta minutos nun incendio pero esta é unha situación diferente".
O edil subliñou que é unha fin de semana moi atlética, ao xuntarse tres carreiras, a Subida ao Castro (domingo), o Memorial Andrés Abanqueiro de cross escolar en Castrelos (domingo) e a Nocturna Manuel Dalmeida en Bembrive (sábado). Ademais, tamén apuntou que o "boom" do atletismo é unha realidade completa, "con 45 probas este ano". O responsable do deporte da cidade felicitouse polas cifras de 2014, "con máis de 12.000 participantes nas carreiras en ruta".
Para rematar, Janeiro destacou a presenza entre os inscritos de triplo ganador da Subida, Marcial Rodríguez (edicións primeira, segunda e cuarta), o dobre campión da mesma, José Antonio Ramallo, e de Rafael Fuentes, que inscribiu o seu nome no palmarés un ano e en 2013 terminou segundo.
A carreira iníciase ás 12:00 horas en Montero Ríos, subindo dende o Casco Vello á entrada do castelo do Castro.
O Concello apoia a proba cos trofeos (a exitosa medalla de Vigo) e a seguridade do evento (Policía Local e Protección Civil).