Comeza ArtFutura baixo o título ‘A Promesa Dixital’
O MARCO retoma a súa colaboración con ArtFutura, o Festival de referencia en cultura dixital e novos medios, que este ano chega á súa 25ª edición. ArtFutura celébrase simultaneamente en máis de 20 cidades, do 7 ao 23 de novembro
Durante tres fins de semana consecutivas, o salón de actos do MARCO acolle as proxeccións do programa audiovisual 2014. Baixo o título ‘A Promesa Dixital’, o programa deste ano presenta en exclusiva o documental do mesmo nome (coproducido por Bun Media, TVE e TV3), sobre a evolución da cultura dixital e o seu paralelismo co desenvolvemento de ArtFutura a través das súas 25 edicións. Ademais, o programa 2014 inclúe a sección exclusiva The Creators Project sobre os artistas Ai Weiwei e Olafur Eliasson, e as novas Artworks e Feeding the Web. A iso súmanse as xa clásicas 3D ArtFutura Show, Futura Graphics, e a retrospectiva 25 x 3D. En total, seis horas de proxeccións coas últimas achegas no campo da creatividade dixital.
Descargar todas as imaxes