Silva destaca que as habaneiras "volven ao mar" coa celebración do Festival no Mar de Vigo
A tenente de alcalde, Carmela Silva, e o responsable de ACOPOVI, Enrique Lorenzo, presentaron hoxe xoves a oitava edición do Festival de Habaneiras e Polifonía Cidade de Vigo, que se traslada ao Auditorio Mar de Vigo. 39 corais actuarán de balde do 9 de marzo ao 1 de xuño e o goberno local disporá un servizo especial de autobuses.
A oitava edición deste Festival presenta como principais novidades a súa celebración no Auditorio Mar de Vigo e a incorporación de formacións de fóra da cidade, como serán Novos Aires de Nigrán, Centro Sportivo de Ponteareas, Coral Linda A Vella de Portugal e Coral Ciudad de Zamora.
Unhas 1.500 persoas pertencentes a 39 corais actuarán no Mar de Vigo desde este domingo, 9 de marzo, ata o próximo 1 de xuño, con entrada de balde ata completar o aforo do Auditorio. Haberá concertos os domingos 16, 23 e 30 de marzo, así como o 6 e 27 de abril e o 4 de maio. O certame concluirá co xa habitual Especial do Día das Letras Galegas, na que estarán presentes todas as corais integradas na Asociación con sendos concertos os días 11 e 25 de maio e o 1 de xuño.
Segundo expuxo Carmela Silva, o goberno de Vigo disporá dun servizo especial de autobús para facilitar os desprazamentos desde o centro ata o Auditorio, con saídas ás 17:15h e regreso ás 20:30h, e o seguinte percorrido: farola de Urzáiz-Praza de España-Praza do Rei-Praza de América (Centro Comercial Camelias)-Auditorio Mar de Vigo. A maiores, Vitrasa conta coa liña C1 cada quince minutos, con parada no Berbés.
Descargar todas as imaxes
Unhas 1.500 persoas pertencentes a 39 corais actuarán no Mar de Vigo desde este domingo, 9 de marzo, ata o próximo 1 de xuño, con entrada de balde ata completar o aforo do Auditorio. Haberá concertos os domingos 16, 23 e 30 de marzo, así como o 6 e 27 de abril e o 4 de maio. O certame concluirá co xa habitual Especial do Día das Letras Galegas, na que estarán presentes todas as corais integradas na Asociación con sendos concertos os días 11 e 25 de maio e o 1 de xuño.
Segundo expuxo Carmela Silva, o goberno de Vigo disporá dun servizo especial de autobús para facilitar os desprazamentos desde o centro ata o Auditorio, con saídas ás 17:15h e regreso ás 20:30h, e o seguinte percorrido: farola de Urzáiz-Praza de España-Praza do Rei-Praza de América (Centro Comercial Camelias)-Auditorio Mar de Vigo. A maiores, Vitrasa conta coa liña C1 cada quince minutos, con parada no Berbés.