Escoitar

Caballero reitera a necesidade de facer un "frente común" para defender o naval en Bruselas

O rexedor instou de novo ao presidente da Xunta a convocar ao ministro de Industria, aos alcaldes de cidades afectadas pola crise do naval -especialmente ao Vigo- e aos líderes da oposición en Galicia para facer un "frente común" en Bruxelas. O obxectivo é trasladarlle ao comisario europeo da Competencia que "non imos tolerar devolucións", engadiu.

martes, 4 xuñ 2013
1370347095alcalde6.jpg
O alcalde de Vigo reiterou hoxe martes que a industria naval é o corazón da cidade, insistindo en que "o Vigo que queremos é o Vigo do naval". Esa foi a mensaxe que lle volveu trasladar ao presidente da Xunta a quen, unha vez máis, instou a convocar un "frente común" para defender o tax lease en Bruxelas. Neste punto, avanzou a súa vontade de acudir a unha convocatoria na que tamén terían que estar o ministro de Industria, o resto de alcaldes implicados, máis os líderes da oposición de Galicia. A continuación, dixo, tamén deberían integrarse os presidentes de Asturias, Pais Vasco e Andalucía.

Co obxectivo de "trasaladar que non imos aceptar devolucións", abogou por visitar todos xuntos ao comisario europeo da Competencia, Joaquín Almunia porque "nos asiste o dereito e a confianza lexítima", engadiu.
Descargar todas as imaxes