Escoitar

O Concello súmase á celebración do Día da Esclerose Múltiple

O alcalde de Vigo, Abel Caballero, foi hoxe mércores o encargado de dar lectura ao manifesto a favor das persoas con esclerose múltiple, nun acto organizado pola Asociación Viguesa de Esclerose Múltiple (Avempo). En rolda de prensa, o rexedor destacou a "cooperación permanente" do Concello con este colectivo que hoxe colocou unha mesa informativa na Lonxa do Concello.

mércores, 29 mai 2013
1369828709esclerosis.jpg
MANIFESTO A FAVOR DAS PERSOAS CON ESCLEROSE MÚLTIPLE

"Nun día como hoxe, a Asociación Viguesa de Esclerose Múltiple de Pontevedra (AVEMPO) quere facer un chamamento ao compromiso e a solidariedade coas persoas afectadas de EM e as súas familias, con este

Decálogo de Reivindicacións:
1. Rematar coa demora por parte dos Gobernos autonómicos na administración dos tratamentos, dende que o médico propón un cambio de medicación ata a administración deste.

2. Máis implicación das administracións públicas na investigación desta enfermidade. A investigación en novos tratamentos e con células nai é unha esperanza para os afectados que ven, nos recortes á investigación, un freo no manexo desta enfermidade incurable.

3. Continuidade na colaboración da industria farmacéutica no apoio ás asociacións que traballan con afectados pola enfermidade e na investigación de tratamentos cada vez máis eficaces sen perder a seguridade imprescindible na EM.

4. Diminución dos recortes sociais e os atrasos nas subvencións e axudas por parte das administracións públicas e entidades privadas, de modo que non afecten ao mantemento do tecido asociativo.

5. Recoñecemento do 33% de minusvalidez co diagnóstico da EM. Este feito apoiaría a reinserción laboral e social dos afectados.

6. Maior compromiso dos empresarios que non se limite ao 2% que esixe a lexislación na contratación de persoas con minusvalidez.

7. Máis apoio das administracións públicas cara ás familias dos afectados pola EM, que son os principais coidadores dos afectados de EM.

8. Posta en marcha por parte dos Gobernos central e autonómicos de campañas para informar á sociedade dos signos temperáns da EM e os factores de risco, todo iso avalado por materiais informativos e educación sobre a EM. .

9. Incremento da colaboración entre os servizos sanitarios primarios e secundarios por parte dos profesionais sanitarios para asegurar que os pacientes reciban un tratamento axeitado durante todo o ciclo de coidados.

10. Maior sensibilización e solidariedade da sociedade coas persoas afectadas de EM e os seus familiares.

O impacto persoal e social da EM xustifica que dende AVEMPO sigamos traballando para mellorar a calidade de vida dos afectados de EM e as súas familias.
Descargar todas as imaxes