Escoitar

Convocatoria do novo curso 2012-2013 das escolas municipais de música e artes escénicas

O Concello de Vigo, a través da concellería de Educación, convoca a preinscrición para o vindeiro curso 2012-2013 nas súas Escolas Municipais de Música e Artes escénicas. De xeito unitario, realízase esta convocatoria dirixida á toda a cidadanía, nenos e maiores, animando á práctica afeccionada das artes musicais e teatrais, a través da súas ensinanzas e agrupacións.

martes, 12 xuñ 2012
A formación ofertada dende o municipio é de carácter non regrado e abrangue unha enorme variedade de actividades que van dende a música clásica, o teatro ou a música moderna, ata programas de divulgación, música en comunidade ou o estudo especializado en música folk e tradicional e as súas expresións colectivas contemporáneas. O alumnado destas escolas gozará da práctica colectiva das artes musicais e teatrais e ademais, para aqueles con máis aptitudes, abriránse as portas da educación destinada ao exercicio da profesión e a ensinanza regrada.

As escolas municipais de música e artes escénicas son: a Escola Municipal de Música de Vigo (EMMV), a Escola Municipal de Música Tradicional e Folk (ETRAD) e a Escola Municipal de Teatro (EMT).
Os DATOS BÁSICOS da oferta actual das escolas que conforman a actual rede das escolas municipais de música e artes escénicas, son os seguintes:
Escola municipal de música de Vigo (EMMV)
De 4 a 7 anos:
Música e Movemento
A partir de 8 anos:
Práctica instrumental: Violín, Viola, Violonchelo, Contrabaixo, Guitarra, Piano, Clarinete, Saxofón, Frauta, Trompeta, Trompa, Trombón, Tuba e Percusión.
Actividades grupais
Máis información:
Escola municipal de música de Vigo: Camiño do Regueiro, 1 (36211 Vigo)
Teléfono: 986 410785
Horario de atención ao público:
Mañás: de 11,00 h a 14,00 h, de luns a venres
Correo electrónico: info@esmuvigo.es
www.emmavigo.org

Escola municipal de música folk e tradicional (ETRAD)
A partir de 8 anos:
Práctica instrumental: Canto popular, Violín Folk, Gaita, Percusión, Zanfona, Requinta, Arpa céltica, Corda pulsada, Acordeón diatónico.
Actividades grupais
Máis información:
Escola municipal de música tradicional e folk: Avenida de García Barbón, 5 (36201 Vigo)
Teléfono: 986 228088/7
Horario de atención ao público:
Mañás: de 11,00 h a 14,00 h, de luns a venres
Correo electrónico: e-trad@vigo.org
www.emmavigo.org

Escola municipal de teatro (EMT)
De 6 a 17 anos:
Expresión dramática (I e II), Expresión teatral e Iniciación ás técnicas teatrais
A partir dos 18 anos:
Formación de actores (I e II)
Máis información:
Escola municipal de teatro: Avenida de Castelao, 87-interior- (36209 Vigo)
Teléfono: 986 485324
Horario de atención ao público:
Mañás: de 11,00 h a 14,00 h, de luns a venres
Correo electrónico: em.teatro@vigo.org
www.emmavigo.org

Os PRAZOS establecidos para as novas solicitudes na presente convocatoria son os seguintes:
Preinscripción:
On line (www.emmavigo.org): do 11 de xuño ao 7 de setembro de 2012
Presencial (nas oficinas de calquera das escolas municipais): do 11 de xuño ao 31 de xullo e do 1 de setembro ao 7 de setembro
Publicación da lista de solicitantes: 10 de setembro
Realización de probas (no seu caso): do 11 ao 13 de setembro
Realización de sorteos (no seu caso): 12 de setembro
Publicación da lista de admitidos: 14 de setembro
Matrícula: do 17 ao 21 de setembro
Comezo do curso: 24 de setembro