Escoitar

O alcalde presenta o festival solidario de Acopovi en favor do Banco de Alimentos

25 corais da cidade actuarán o próximo domingo 17 en favor do Banco de Alimentos nun concerto simultáneo en seis ubicacións distintas na cidade. Así o avanzou esta mañá o rexedor, nun encontro no que estivo acompañado por Javier Lorenzo, director da Asociación de Corais Polifónicas de Vigo e varios representantes de polifónicas.

martes, 12 xuñ 2012
1339501035acopovi.jpg
A igrexa de Fátima, o IES Santa Irene, a Asociación de Veciños de Cabral, o Centro Veciñal de Valladares, a asociación de veciños Crespo de Navia e o salón parroquial de Coruxo serán os escenarios nos que actuarán simultámente as 25 corais de Vigo que forman parte do festival solidario que Acopovi organiza o próximo domingo 17 a partir das 19,00 horas. Durante as actuacións da Asociación de Corais Polifónicas de Vigo, donarase comida non perecedera ao Banco de Alimentos.

Na igrexa de Fátima actuarán as corais San Mamede de Zamáns, María Madre del Buen Pastor, Agarimo, Cidade de Vigo e Atlántida de Matamá. O IES Santa Irene, contarán coas voces dos membros de Rosalía de Castro do Colexio Médico, Val do Fragoso, Helios de Bembrive, Amadeus e Máximo Gorki. As polifónicas de María Auxiliadora, Centro Social de Teis, Candeán, Vivace e Aborada de Cabral actuarán na Asociación de veciños deste barrio. No centro veciñal de Valladares tocaralle o turno ao CSRC de Beade, a Santa Clara de Lavadores, a Urecal a Allegro e a Valladares. Ao escenario da asociación de veciños Emilio Crespo de Navia subiranse, ademais da coral homónima, os membros de Virxe do Rocío de O Calvario e da Perla do Atlántico de Alcabre. Por último, o salón parroquial de Coruxo contará coas actuacións de Enarmonía, Coro clásico de Vigo e Anduriña de Coruxo.
Descargar todas as imaxes