O Consello da Xerencia aproba o convenio que asinará o Concello coa CPTOPV para financiar a redacción do Plan Xeral
O Consello da Xerencia aprobou hoxe por unanimidade o texto do convenio que asinará o Concello de Vigo coa Consellería de Política Territorial, Obras Públicas e Vivenda para financiar a redacción do novo Plan Xeral de Ordenación Urbana. Os traballos de elaboración do Pxou custarán 200 millóns de pesetas, que serán aportados a partes iguais polo Concello de Vigo e pola Xunta.
No convenio especifícase que cada unha das administracións fará no presente exercicio unha aportación de 25 millóns de pesetas. No ano 2002 a achega será de 45 millóns por cada parte, e na anualidade 2003 entregarase a cantidade restante, 30 millóns de pesetas de cada unha delas.
O Consello da Xerencia aprobou tamén o prego de condicións para a convocatoria dun concurso público no que se seleccionará o equipo técnico que se encargará da redacción do Pxou. Este prego foi consensuado por tódalas forzas políticas e polos axentes sociais presentes no Consello Sectorial de Urbanismo.
Visto e prace para o proxecto de acondicionamento da superficie da praza da Independencia
O Consello da Xerencia deu o seu visto e prace ao proxecto de acondicionamento da superficie da praza da Independencia presentado polos arquitectos Salvador Fraga, Manuel Portolés e F.J. García-Quijada. O acordo foi adoptado cos votos favorables do BNG e Provi, a abstención do Psoe e o voto en contra do PP, que se manifestou partidario de que a praza recuperase o aspecto que tiña antes da construcción do aparcadoiro soterrado.
O proxecto prevé a conexión da rúa Camelias a través da praza mediante tres carrís de circulación, dous en dirección centro e un en sentido Travesas. O resto da praza peonalizarase. Os carrís, que cruzarán a praza por un dos laterais, terán unha anchura de tres metros. O tratamento da superficie inclúe a peonalización dos últimos treitos das rúas Pintor Lugrís, Pintor Colmeiro e Regueiro. Por esas rúas só se permitirá o acceso de vehículos aos garaxes.
Descargar todas as imaxes
No convenio especifícase que cada unha das administracións fará no presente exercicio unha aportación de 25 millóns de pesetas. No ano 2002 a achega será de 45 millóns por cada parte, e na anualidade 2003 entregarase a cantidade restante, 30 millóns de pesetas de cada unha delas.
O Consello da Xerencia aprobou tamén o prego de condicións para a convocatoria dun concurso público no que se seleccionará o equipo técnico que se encargará da redacción do Pxou. Este prego foi consensuado por tódalas forzas políticas e polos axentes sociais presentes no Consello Sectorial de Urbanismo.
Visto e prace para o proxecto de acondicionamento da superficie da praza da Independencia
O Consello da Xerencia deu o seu visto e prace ao proxecto de acondicionamento da superficie da praza da Independencia presentado polos arquitectos Salvador Fraga, Manuel Portolés e F.J. García-Quijada. O acordo foi adoptado cos votos favorables do BNG e Provi, a abstención do Psoe e o voto en contra do PP, que se manifestou partidario de que a praza recuperase o aspecto que tiña antes da construcción do aparcadoiro soterrado.
O proxecto prevé a conexión da rúa Camelias a través da praza mediante tres carrís de circulación, dous en dirección centro e un en sentido Travesas. O resto da praza peonalizarase. Os carrís, que cruzarán a praza por un dos laterais, terán unha anchura de tres metros. O tratamento da superficie inclúe a peonalización dos últimos treitos das rúas Pintor Lugrís, Pintor Colmeiro e Regueiro. Por esas rúas só se permitirá o acceso de vehículos aos garaxes.