Inaugurado o campo de fútbol municipal de Navia "Pahiño"
O tenente de alcalde, Santi Domínguez, e o concelleiro de Deportes, Xabier Alonso, inauguraron onte o novo campo de fútbol municipal de Navia, que leva o nome do ex xogador do Celta, Deportivo e Real Madrid, Pahiño. Na súa intervención, o tenente de alcalde destacou que esta nova infraestrutura é un exemplo máis da aposta do BNG polo deporte de base.
Santi Domínguez tamén afirmou que este novo campo amosa o compromiso coa mellora das infraestruturas deportivas de Vigo. O concelleiro de Deportes, Xabier Alonso, destacou que era un día "moi importante para esta cidade", xa que coa inauguración deste campo dase un paso máis mellora das dotacións deportivas da cidade. Explicou que a elección de Pahiño para dar o nome ao campo "non é casual", xa que o xogador naceu en Navia.
O protagonista da xornada foi o ex futbolista Manuel Fernández "Pahiño", encargado de facer o saque de honra do partido que disputaron os equipos de veteranos de Celta e Deportivo, que rematou cun contundente 6-2 a favor do equipo vigués. Na súa intervención, Pahímo amosouse moi emocionado por dar nome a un campo de fútbol e lembrou os seus difíciles inicios no mundo do deporte.
O acto, no que se descubriu unha placa conmemorativa e o intercambio de agasallos entre as diversas entidades participantes, contou coa presenza dos representantes dos diferentes clubs da cidade, así como dos veciños e veciñas da parroquia.
Descargar todas as imaxes
O protagonista da xornada foi o ex futbolista Manuel Fernández "Pahiño", encargado de facer o saque de honra do partido que disputaron os equipos de veteranos de Celta e Deportivo, que rematou cun contundente 6-2 a favor do equipo vigués. Na súa intervención, Pahímo amosouse moi emocionado por dar nome a un campo de fútbol e lembrou os seus difíciles inicios no mundo do deporte.
O acto, no que se descubriu unha placa conmemorativa e o intercambio de agasallos entre as diversas entidades participantes, contou coa presenza dos representantes dos diferentes clubs da cidade, así como dos veciños e veciñas da parroquia.