Xabier Alonso felicita á windsurfista Lara Lagoa pola súa clasificación para os Xogos Olímpicos da Mocidade, en Singapur
O concelleiro de Deportes de Vigo, Xabier Alonso, recibiu hoxe no seu despacho á windsurfista viguesa Lara Lagoa, que se acaba de clasificase para a primeira edición dos Xogos Olímpicos da Mocidade, en Singapur no vindeiro mes de agosto. A proeza da deportista, bolseira pola Fundación VIDE en 2009 e que compite co Náutico de Cangas, xestouse no Campionato de Europa da clase techno, en Cádiz, do 29 de decembro ao 5 de xaneiro pasados. "Non pensaba clasificarme nin de broma porque ían só catro países representando a Europa", confesoulle ao concelleiro nacionalista. Pero rematou sexta e, como por diante había catro de dous países, España obtivo o cuarto lugar que daba billete para os Xogos.
Xabier Alonso, que se interesou polo desenvolvemento da competición e polos seguintes obxectivos de Lagoa, felicitouna pola súa traxectoria nos últimos anos e entregoulle un libro sobre a cidade como obsequio da Concellería. Tamén dixo sentirse "moi satisfeito" con Lara porque "estás levando o nome de Vigo por todo o mundo".
Lagoa (Vigo, 1994), que na recepción estivo acompañada polo seu pai, cursa estudos no instituto Santo Tomé e tamén estuda actualmente catro idiomas (inglés, francés, italiano e alemán), o que sorprendeu ao concelleiro, encantado co esforzo tanto deportivo como nos estudos da deportista, e invitouna de novo a presentarse á convocatoria de bolsas VIDE deste ano. Neste ano 2010 ten un ano pleno de competicións de alto nivel: unha proba de repesca para os Xogos Olímpicos da Mocidade, en Francia, "á que irei como preparación para Singapur", dixo, o Campionato de España en xuño (Baleares) e o Campionato do Mundo (finais de xullo).
Xabier Alonso rematou o ano recibindo no Nadal á xogadora viguesa de balonmán Begoña Fernández, mellor pivote do mundo, e comeza 2010 coa satisfacción de que outra deportista viguesa está na elite mundial, esta vez no windsurf.
Descargar todas as imaxes
Lagoa (Vigo, 1994), que na recepción estivo acompañada polo seu pai, cursa estudos no instituto Santo Tomé e tamén estuda actualmente catro idiomas (inglés, francés, italiano e alemán), o que sorprendeu ao concelleiro, encantado co esforzo tanto deportivo como nos estudos da deportista, e invitouna de novo a presentarse á convocatoria de bolsas VIDE deste ano. Neste ano 2010 ten un ano pleno de competicións de alto nivel: unha proba de repesca para os Xogos Olímpicos da Mocidade, en Francia, "á que irei como preparación para Singapur", dixo, o Campionato de España en xuño (Baleares) e o Campionato do Mundo (finais de xullo).
Xabier Alonso rematou o ano recibindo no Nadal á xogadora viguesa de balonmán Begoña Fernández, mellor pivote do mundo, e comeza 2010 coa satisfacción de que outra deportista viguesa está na elite mundial, esta vez no windsurf.