Abel Caballero celebrou que Vigo sexa nestas datas unha cidade turística e cualificou a Reconquista como "a romaría urbana máis importante de Galicia". As rúas de Vigo xa están preparadas para comezar a fin de semana grande da efeméride viguesa, con máis de 240 postos de gastronomía e artesanía repartidos por todo o Casco Vello. O acto da representación da expulsión das tropas de Napoleón será o domingo ás 18:00 horas.
A Xunta de Goberno aprobou este venres as bases da convocatoria das becas de comedor e libros para o curso 2026-2027. Ascenderán a preto de 3 millóns de euros. O apoio a cada familia aumenta en máis dun 50 por cento, xa que pasa de 426 a 640 euros anuais.
Caballero deu conta esta mañá dunha nova actuación na recuperación da fortaleza de O Castro que prevé a restauración dos armazóns de madeira dos canóns. O obxectivo é devolverlle a estas pezas o seu aspecto orixinal ao tempo que se subliña o seu valor histórico.
O alcalde explicou que se aprobou a licitación para mudar o céspede do campo onde disputan os encontros como locatarios o Racing Castrelos e o Rápido de Pereiró, cun importe de 336.000 euros. En Samil, ademais do céspede, actuarase tamén no peche do recinto.
O Auditorio Mar de Vigo acolleu onte a Gala de Vigueses Distinguidos 2026, un acto no que se recoñeceu a 24 entidades e persoas que contribúen ou contribuíron a facer cidade. No acto, o alcalde reivindicou as políticas municipais para seguir a impulsar unha cidade que xa é un referente imparable.
A Xunta de Goberno aprobou hoxe a licitación das obras de humanización da rúa Tomiño, en Coia, por 600.000 euros. "Seguimos humanizando sen parar rúas de Vigo", recalcou Abel Caballero.
O alcalde trasladou hoxe o seu apoio ao sector do taxi no acto de presentación da nova aplicación aplicación móbil Blyr deseñada para facilitar a solicitude dun vehículo. Caballero puxo en valor a iniciativa que mellora a prestación do servizo e que se adapta ás novas necesidades de mobilidade de Vigo.