Abel Caballero urxe á Federación que comunique oficialmente ao Concello a candidatura de Vigo tras coñecer a súa predisposición de presentar a candidatura de Vigo á FIFA a través dos medios de comunicación. “Chega con dous anos de atraso”, recriminou.
Caballero deu conta esta mañá da sinatura dun acordo de colaboración entre o Ministerio de Transportes e o Concello de Vigo para a mellora, integración e humanización da AP-9 e o seu contorno. O obxectivo é aumentar a permeabilidade con actuacións compatible coa seguridade viaria e o servizo da autoestrada.
O alcalde felicitou hoxe ás taxistas que participan no curso de formación estratéxica en soporte vital básico polo traballo que desenvolven en favor da cidadanía. Abel Caballero destacou os coñecementos que adquiren as taxistas nas tres sesións dirixidas polos dous policías locais que son responsables da actualización permanente de todo o persoal de axentes de Vigo. As profesionais adquiren formación nos protocolos que utiliza a Policía Local de Vigo para atender á cidadanía nunha situación de emerxencia.
Abel Caballero informou de que desde o sábado 28 de marzo e ata o domingo 5 de abril os visitantes poderán descubrir os lugares máis emblemáticos da cidade desde unha perspectiva diferente. O autobús conta con audio guías en 8 idiomas, dúas alturas e teito despregable.
O xulgado do contencioso administrativo número 2 ditou este martes a sentenza que desestima o recurso presentado pola Federación de Asociacións Veciñais Eduardo Chao e que ratifica a legalidade do acordo do Goberno municipal de Vigo de extinguir o dereito de uso do local situado na segunda planta do edificio do número 7 da Praza da Princesa por parte da organización veciñal.
Abel Caballero mantivo unha xuntanza coa Fundación do Secretariado Xitano de Vigo e Galicia na que fixeron entrega da bandeira do pobo xitano que xa ondea na fachada da Casa Consistorial. O día 8 celébrase o Día Internacional do Pobo Xitano, unha xornada na que se reivindica o seu dereito ao recoñecemento e á igualdade. Esa data recorda o primeiro Congreso Mundial romaní celebrado en Londres en 1971, onde se instituíu a bandeira e o himno deste pobo. Amais, este ano 2025 conmemórase o 600º aniversario da chegada das persoas xitanas á península ibérica. Caballero informou que, como ven sendo habitual, a Federación exporá o seu manifesto no próximo pleno do mes de abril. No ano 2025 conmemorouse o 600º aniversario da chegada das persoas xitanas á península ibérica.