Caballero animou a gozar co “espectáculo extraordinario" do descenso de mountain bike desde O Castro previsto o sábado 9 de agosto e que este ano rematará no Centro de Ocio A Laxe. Trátase dunha das probas estrela do festival de deportes urbanos máis importante do mundo que o Concello subvenciona con case 1.350.000 euros.
O vindeiro luns 12 de maio, unha representación do Concello de Vigo con técnicos municipais e o alcalde, entre outros, acudirá a unha reunión na sede do ente federativo en Las Rozas.
O goberno municipal aprobará mañá a licitación das obras de humanización da estrada Clara Campoamor no tramo comprendido entre as rotondas de acceso ao Hospital Álvaro Cunqueiro e o da confluencia coa rúa Ramiro Pascual, segundo avanzou hoxe Abel Caballero ao indicar que contará cun investimento de 1.232.000 euros.
A Xunta de Goberno Local dará luz verde á contratación das obras que terán un prazo de execución de 12 semanas, coa previsión de iniciarse a finais do verán.
O goberno local aprobou os convenios con ambas entidades para instalar sensores que aporten e reciban información en tempo real. Esta acción enmárcase dentro do Plan Nacional de Territorios Intelixentes da Axenda Dixital de España polo que Vigo recibiu 4 millóns de euros do Goberno de España.
Abel Caballero felicitou este xoves aos fundadores do Colexio Losada así como á dirección, ao profesorado e ao alumnado pola celebración do 60 aniversario dun centro escolar que formou a centos de vigueses, entre os que se atopa o concelleiro Ángel Rivas. O rexedor destacou a traxectoria do Centro de Ensinanza Plurilingüe que conta co recoñecemento como Vigués Distinguido, antes de descubrir a placa en homenaxe aos fundadores, Eugenia e Ramiro Losada Bastos.
O Concello abre unha convocatoria pública para seleccionar as actuacións que encherán o recinto con diferentes estilos musicais. É unha das accións do programa de conmemoración do centenario da doazón do Pazo de Castrelos á cidade.
Abel Caballero saudou hoxe aos participantes en The Way Startup Summit que durante dous días reúne en Vigo a 50 startups, 100 relatores e 1.300 asistentes co obxectivo de que 120 investidores de España e Portugal aposten polos proxectos de Galicia. Innovación, emprendemento e investimento son as tres áreas principais do congreso que se celebra na "cidade da economía", segundo recalcou o alcalde.
Abel Caballero animou este xoves a interesarse pola formación musical e a interpretación nun instrumento aos 237 alumnos dos colexios Montesol, Celso Emilio Ferreiro, Mestres Goldar, Fontescura, Párroco Don Camilo e Balaídos, que participaron na segunda xornada dos recitais didácticos "Isto non é un concerto!", a cargo do profesorado da Escola Municipal de Música. O alcalde destacou a importancia de gozar da música á vez que chamou aos escolares a matricularse na escola municipal.