Novos cursos para mellorar as competencias persoais e dixitais das persoas en risco de exclusión
O Concello oferta novos obradoiros formativos para maiores de 65 anos e persoas en risco de exclusión. Son sete cursos gratuítos sobre materias como habilidades sociais, competencias persoais, busca de emprego, cidadanía e integración e autoestima.
O alcalde deu conta do inicio de novos cursos no Centro de Formación de Rúa Alta. Están dirixidos a mellorar as competencias persoais e dixitais dos maiores de 65 anos e das persoas que se atopen en risco de exclusión.
Son sete cursos totalmente gratuitos para 84 persoas que comezarán este mes e nos que se traballará sobre os seguintes eixos: habilidades sociais, competencias persoais, busca de emprego, cidadanía e integración e autoestima. Cada formación conta cunha duración de 30 a 40 horas con 12 alumnos por curso.
O obradoiro sobre competencias dixitais oferta capacitación nos niveis básico e intermedio e cada curso ten unha duración de 70 horas con 12 alumnos.
As persoas interesadas poden solicitar praza a través do 010 e das entidades sociais.