Máis de cen persoas navegaron hoxe pola Ría co programa “Vigo, cidade dos maiores”
A embarcación Nautilus ofreceu esta mañá os dous primeiros paseos dentro da iniciativa “Viaxes pola Ría”. O Concello oferta 2.600 prazas para gozar dunha experiencia guiada durante os meses de maio, xuño e xullo.
Abel Caballero despediu esta mañá aos pasaxeiros do primeiro dos barcos de “Viaxes pola Ría” que ao longo deste verán ofertará 49 viaxes totalmente gratuítas. En dúas quendas, ás 10,15 e ás 12,15h foron cen as persoas que gozaron dun paseo guiado por monitores especializados.
A embarcación Nautilus, preparada para a interpretación do medio mariño, ofertará 2.600 prazas durante os meses de maio, xuño e xullo. En cada visita participan unhas 50 persoas con prazas ordinarias e hai tres reservadas para persoas con mobilidade reducida.
Ocupación hoteleira
A media de ocupación hoteleira da ponte do Primeiro de maio foi dun 63% na cidade, unha cifra “moi alta dado o mal tempo que fixo” aclarou. Respecto da media de abril, esta situouse no 62,3%, dez puntos máis que o mesmo mes do ano pasado.
O 17% dos visitantes procedían do resto de Galicia, o 47 eran turistas nacionais mentres que o 35 restante, eran estranxeiros. Portugal encabeza o país de procedencia, con máis do 31%, seguido de Estados Unidos, cun 10%, Italia, cun 5%, Alemania, case un 5% e, finalmente, Francia, con case un 3%. A estadía media foi de 1,92 días, mentres que a do ano pasado situouse en 1,75. “O pasado mes de abril tivemos máis visitantes e estiveron máis tempo na cidade que en 2024”.