martes, 19 marzo 2024

Máis de 160.000 persoas pasaron polo HALO no seu primeiro mes de historia

Caballero deu conta dos datos do uso do ascensor e as pasarelas do HALO no seu primeiro mes en funcionamento, cunha media de 5.517 persoas ao día. Así, 160.000 persoas achegáronse á obra que abriu ao público o pasado 16 de febreiro, una estrutura que alberga un ascensor e sirve para unir a zona do Areal con Vialia e Vía Norte. Amais, o alcalde destacou que tamén durante o primeiro mes se puxo en marcha o xogo de luces da estrutura “para pregoar efemérides como o Día Internacional da Muller”, cando o HALO se tinguiu de color lila.

A Policía Nacional e Povisa recollerán o día 26 as Medallas de Ouro de Vigo 2024

martes, 19 mar 2024

Representantes do Corpo Nacional de Policía e do Hospital Povisa recollerán, o próximo martes 26 de marzo, as dúas Medallas de Ouro da Cidade acordadas este ano polo Concello no acto da entrega das distincións con motivo da Festa da Reconquista. O primeiro reitor da Universidade de Vigo e actual Valedor do Cidadán, Luis Espada Recarey, será o encargado de ler o bando municipal, segundo anunciou este martes Abel Caballero. O alcalde apuntou que as entidades educativas e deportivas da cidade serán protagonistas dos galardóns de Viguesas e Vigueses Distinguidos.

Caballero explica ao alumnado do Colexio Mariano a importancia da xestión municipal na vida da cidadanía

martes, 19 mar 2024

Abel Caballero recibiu este martes, no Salón de Plenos do Concello de Vigo, ao alumnado do Colexio Mariano que participaron no programa didáctico "Vigo o teu Concello". O rexedor explicou aos escolares que as decisións que adopta o goberno e a corporación municipal inciden directamente nun número importante de ámbitos da vida da cidadanía. O alumnado percorreu as dependencias das principais instalacións municipais, como a Sala de Control do Tráfico.