venres, 25 novembro 2022

1.300 escolares “enlazaron Vigo” contra a violencia de xénero

venres, 25 nov 2022

Alumnos de 24 centros educativo da cidade participaron esta mañá na iniciativa “Enlaza Vigo contra a violencia de xénero”. Nesta ocasión o Auditorio Mar de Vigo foi o escenario elixido para desenvolver un programa que ten por obxectivo sensibilizar á mocidade con formación ou exposicións, entre outras accións.

O alcalde felicita ao alumnado do IES ROU polo seu talento a prol da igualdade

venres, 25 nov 2022

Abel Caballero participou este venres na entrega de premios do Concurso de Fotografía organizado polo IES República Oriental do Uruguay, a ANPA do mesmo e o Centro Comercial Travesía de Vigo con motivo do Día Internacional da Eliminación da Violencia contra a muller. O alumnado da ESO recolleu en imaxes o que considera igualdade e as súas fotografías poden verse nas instalacións do centro comercial. O rexedor felicitounos polo traballo realizado e trasladoulles a importancia do respecto á muller e do respecto á igualdade.