Abel Caballero visitou a remodelada e adaptada instalación deportiva baixo a grada de Río que o Concello porá a dispor dos atletas. A pista ten 5 carrís e 90 metros de lonxitude. O Concello tamén investiu 89.000 euros na reforma dos vestiarios e aseos das pistas de atletismo de Balaídos, para a que xa está en proceso de contratación do proxecto para a súa reforma integral.
O acceso á AP9 a través do túnel de Lepanto estará previsiblemente operativa a partir do 12 de decembro. Esta infraestrutura pechará de novo durante un mes polas obras do HALO a mediados de febreiro e abrirá definitivamente a mediados de marzo.
O alcalde avanzou que se realizarán actividades nos 12 puntos limpos móbiles que se efectuarán esta semana, co obxectivo de “potenciar a recollida de roupa e calzado; aceite usado e cousas de bebés”.
O alcalde mantivo unha xuntanza coas vicerreitoras de Investigación e Comunicación, Belen Rubio e Mónica Valderrama, para abordar la organización dun congreso de ciencia no mes de marzo e o congreso internacional "EUNIS2023 European Universities and the digital transformation: Challenges and opportunities ahead". Ambas institucións, tanto o Concello como a UVigo, colaborarán na boa marcha dos mesmos. O EUNIS2023 celebrarase no Auditorio Mar de Vigo do 14 ao 16 de xuño. A cidade recibirá con estes eventos ao redor de 600 persoas.