O Concello iniciará os próximos días a instalación da cuberta de Marcador
O alcalde deu conta en rolda de prensa do avance das obras no Estadio Municipal de Balaídos, que rematará a obra da grada de Marcador no mes de marzo.
Balaídos será nos próximos días aínda máis celeste coa incorporación da cubrición na grada de Marcador. O Concello comezará a instalación da cuberta co mesmo estilo que en Tribuna e Río, “unhas algas azuis que fan a cubrición maravillosa”, dixo o alcalde.
O alcalde lembrou que esperan rematar a obra da grada no mes de marzo. A nova grada estará 6 metros máis próximo ao pé de campo. O Concello e a Deputación de Pontevedra investiron máis de 30 millóns de euros ata o momento na reforma de Balaídos.
Abel Caballero cualificou Balaídos como o “icono deportivo máis importante de Galicia” e lamentou que a Xunta no colabore no financiamento da remodelación do estadio: “A candidata do PP en Vigo está empeñada en que o Celta marche para Mos”, criticou.
Restos arqueolóxicos
O Concello seguirá as escavacións arqueolóxicas en Elduayen e a zona do Olivo cando remate o Nadal. O alcalde deu conta dos restos atopados nas prospeccións, que cos primeiros datos parece que na parte alta, onde está a fonte, son cimentos e muros de casas, inicialmente sen ningún valor. “Está todo rexistrado e haberá unha valoración posterior”, explicou Caballero, ao que engadiu que “son restos moi deficientes e moi deteriorados”.
“Na parte do Olivo hai un tramo da muralla da cidade ben conservado, na zona onde desemboca Elduayen. Aínda quedan moitos elementos por analizar”, concluíu.