O alcalde deu a coñecer este mércores o plan de viaxe do alumnado de 2º de Bacharelato que acudirán desde a próxima semana a estudar inglés cunha das 617 bolsas que oferta o Concello neste curso. Os estudantes sairán de Vigo entre o luns 13 e o mércores 15 e pasarán tres semanas nun centro para aprender o idioma.
O alcalde comprometeuse a axilizar a tramitación do plan de urbanización de Navia, tras o anuncio feito pola Xunta de Galicia da construción de 1.600 vivendas protexidas no barrio, para o que xa entregou a documentación técnica no Concello. Con todo, Caballero criticou a tardanza en acometer este proxecto.
O Concello deu luz verde ás bases para que as asociacións veciñais e culturais da cidade poidan optar a subvencións que lles permitan desenvolver as súas actividades. Os 282.000 euros desta convocatoria distribuiranse en réxime de concorrencia competitiva.
O rexedor avanzou esta mañá a intención municipal de potenciar a acción das hortas urbanas nos colexios da cidade. Así o explicou durante a visita que realizou ao Ceip Canicouva un "centro que realiza un traballo excepcional" e que xa conta cunha horta na que traballan os alumnos.
Este mércores tivo lugar a presentación da imaxe seleccionada no concurso organizado polo Real Club Náutico de Vigo, no que o xurado elixiu por unanimidade o traballo do vigués Juan Ignacio Montenegro. O alcalde felicitou á organización por "gran idea" de sumar un carácter "artístico cultural" á regata.