O poeta Carlos Oroza xa ten unha rúa co seu nome na cidade, a ata o de agora coñecida como Travesía de Príncipe. Durante o acto de descubrimento da placa, o rexedor avanzou que o Concello está a traballar na conversión desta zona nunha praza.
O goberno local contratará a 126 desempregados, dos que 40 son receptores da Risga durante sete meses. Así o acordou a Xunta de Goberno Local que aprobou hoxe venres as memorias para solicitar as correspondentes subvencións autonómicas.
Quince alcaldes e alcaldesas da área viguesa manterán o próximo luns unha reunión para "proceder á fase final do acordo", en verbas do alcalde de Vigo, quen trasladará unha proposta sobre transporte que "resolverá o problema" existente. Caballero reiterou que calquera outro rexedor/a dos 28 municipios do territorio que queira asistir á reunión do luns "é benvido".
O Consello da Xerencia de Urbanismo acordou a doazón de dúas parcelas na zona de Cambeses e dunha na Canicouva para erguer vivenda protexida e aprobou a venda de tres parcelas para construír vivendas unifamiliares en Pombas, Carrasqueira e Tomada. O alcalde explicou tamén que o goberno local "fixo todo o que tiña que facer" para poñer a disposición da Xunta o solo para a Cidade da Xustiza para a que "falta o proxecto construtivo".
Segundo explicou este xoves Abel Caballero, o Concello conta este 2016 con 617 prazas para estudos de idiomas no estranxeiro, 47 para alumnado da Escola de Idiomas de Vigo, 420 máis para nenos e nenas da ESO e outros 150 para estudantes de Bacharelato. O goberno local adica ao efecto case 1,4 millóns.
O alcalde de Vigo, Abel Caballero, presentou a V Correndo por Vigo, primeira das probas do Run Run Vigo 2016, a nova denominación do programa de carreiras populares na cidade.
Este domingo, día 31 de xaneiro, terá lugar o primeiro concerto do programa "PRIMAVERA 2016" da ORQUESTRA VIGO 430, que conta coa colaboracion da Concellería de Cultura. A orquestra sinfónica, agrupación principal da 430, será a encargada de inaugurar o ciclo baixo a dirección de Vicent Alberola e a violinista Rusanda Panfili como solista. O concerto terá lugar ás 12:00 h no vestíbulo do Auditorio "Mar de Vigo", con entradas a 10 € en anticipada e 12 no despacho de billetes do auditorio; a venda de entradas e abonos realízase a través de Ticketea (www.ticketea.com)
Ponse en coñecemento do público en xeral que por mor da carreira que se van celebrar o vindeiro domingo 31 de xaneiro de 2016, veranse limitadas ao tráfico as seguintes rúas:comenzará ás 11.00h e terá a súa saída dende a rúa Jenaro de la Fuente, para seguir por Aragón (ata a rotonda do faro), volta pola rúa Aragón, Jenaro de la Fuente, Gregorio Espino ata Urzáíz, Urzáíz, Ramón Nieto, Nieto Figueroa, Urania (Mais que Auga), Subride (ata a primeira rotonda), baixar a Ramón Nieto para chegar á meta en Jenaro de la Fuente.