mércores, 30 xullo 2014

O goberno local aproba o proxecto da "gran reforma"de Balaídos por 4,2 millóns

mércores, 30 xul 2014

A Xunta de Goberno Local deu luz verde ao "proxecto de gran reforma de Balaídos" que conta cun orzamento de 4,2 millóns de euros, para as dúas primeiras fases. Respecto do finanzamento da remodelación total do estadio, o rexedor anunciou hoxe que lle vai facer unha petición de colaboración á Xunta de Galicia, á Zona Franca e ao Consello Superior de Deportes, ademais da Deputación de Pontevedra.

O Auditorio Municipal acolle o xoves a proxección do filme "Encallados" dentro da programación de Vigo en Festas

mércores, 30 xul 2014

A programación de festas do Concello inclúe a proxección da comedia "Encallados" que os vigueses e viguesas poderán ver mañá xoves 31 de xullo no Auditorio Municipal a partir das 20,30 horas. Dirixido por Alfonso Zarauza, o film está a percorrer teatros e auditorios de toda Galicia, con grande éxito de público e de crítica.

Programación infantil das Festas de Verán

mércores, 30 xul 2014

O auditorio de Castrelos é o escenario principal da programación das festas de verán para o público infantil coas actividades de "CATIVO-MUSICAIS". A primeira das actuacións é o mércores, 30 de xullo (20:00 h): DUBBI KIDS "Bailando con el ratón Pérez". Un espectáculo interactivo con cancións moi participativas cantadas en directo para non parar de bailar. DURACIÓN: 70 minutos. Acceso libre ata completar a capacidade do recinto.

ANIMACIÓNS DE RÚA<br />

mércores, 30 xul 2014

Dentro das Festas de Verán esta semana está programada actuacións de "Animacións de Rúa" nos enclaves de Porta do Sol, rúa do Príncipe e Montero Ríos a partir das 20:30 horas. Participan os grupos:<br /> AIRIÑOS DO COTO (luns 28 de xullo); SEMENTE DE ARTE GALEGA (martes 29 de xullo); OS VENTOS DE COMESAÑA (mércores 30 de xullo); LEMBRANZAS GALEGAS (xoves 31 de xullo); ANDARELA (venres 1 de agosto) e COTOGRANDE (sábado 2 de agosto).