Socialistas e nacionalistas votaron a favor dunha resolución "in voce" presentada no Pleno deste martes, despois da intervención de Matilde Rodríguez, hematóloga do Xeral, argumentando a necesidade de contar cun laboratorio de análise clínico no novo hospital. A Xunta de Galicia prevé ubicalo no hospital Meixoeiro.
Unha moción presentada polo grupo socialista na sesión plenaria deste martes -respaldada por unanimidade- esixe do goberno autonómico que Vigo sexa a sede a todos os efectos da nova Fundación Obra Social de Galicia e que nos seus estatutos quede blindada a permanencia na cidade da colección artística procedente da antiga Caixanova.
Todos os grupos políticos coincidiron esta mañá ao solicitar á Deputación de Pontevedra e á Zona Franca que contribúan económicamente ás obras necesarias no Estadio Municipal de Balaídos. Unha moción do PP, apoiada polo resto dos partidos, insta a técnicos municipais a redactar un informe que avalíe os custos da totalidade de actuación precisa.
A tenente de alcalde e concelleira de Economía e Facenda, Carmela Silva, deu conta este martes do estado de execución dos gastos e ingresos do orzamento municipal de 2014, correspondente ao segundo trimestre. Silva explicou que o nivel de execución está a ser "extraordinario", cunha previsión de gasto do 98% do orzamentado a finais de ano.
O goberno local levou este martes ao Pleno da Corporación a aprobación inicial da nova ordenanza reguladora do servizo do taxi, validada cos votos socialistas e nacionalistas e a abstención do PP. O novo texto actualiza o do ano 1994 coa vocación de garantir o emprego de calidade, mellorar o servizo o modernizar o sector.
Na sesión plenaria deste martes, o alcalde de vigo deu lectura a un texto previamente consensuado polos grupos políticos en defensa do Pobo Palestino. Este acordo será trasladado ao presidente da Xunta e ao presidente do Goberno para que actúen en consecuencia.
Malú, a popular "coach" de "La Voz" e "La Voz Kids" e a indiscutíbel voz do pop español actúa en Vigo o martes 29 de xullo,ás 22:30 horas, en Castrelos presentando a súa xira "Sí" cunha espectacular montaxe visual. A popular cantante presenta o seu novo traballo ademais de facer un repaso polos éxitos cos que leva triunfando desde que comezou a súa carreira, con tan só 15 anos.
Dentro das Festas de Verán esta semana está programada actuacións de "Animacións de Rúa" nos enclaves de Porta do Sol, rúa do Príncipe e Montero Ríos a partir das 20:30 horas. Participan os grupos:<br /> AIRIÑOS DO COTO (luns 28 de xullo); SEMENTE DE ARTE GALEGA (martes 29 de xullo); OS VENTOS DE COMESAÑA (mércores 30 de xullo); LEMBRANZAS GALEGAS (xoves 31 de xullo); ANDARELA (venres 1 de agosto) e COTOGRANDE (sábado 2 de agosto).<br />