xoves, 30 setembro 2010

O alcalde presentou a "sobria" programación do Bicentenario, con concertos, exposicións, debates e un selo conmemorativo

Abel Caballero avanzou hoxe xoves a programación municipal para a conmemoración do Bicentenario da cidade, que caracterízase pola súa "austeridade e sobriedade". As actividades inclúen exposicións, concertos, xornadas de debate, teatro, libros, un certame poético, un selo de Correos conmemorativo, sorteos da ONCE e da Lotería Nacional especiais do Bicentenario e a inauguración o 27 de outubro da Praza do Bicentenario, coa escultura de acero de Silverio Rivas.

1285849436bicentenario.jpg
1285849618023.jpg

Caballero ve na factoría de baterías o "complemento imprescindible" á fabricación do coche eléctrico en Vigo

xoves, 30 set 2010

A confirmación de que PSA Peugeot Citroën fabricará coches eléctricos en Balaídos -en colaboración con Mitsubishi- supón para o alcalde "anclar o futuro do automóbil en Vigo", tanto no coche tradicional como no eléctrico. Xunto a esta nova, o "complemento imprescindible" para a cidade sería a factoría de baterías que Mitsubishi estuda ubicar no Porto Seco. Caballero foi prudente pero aseverou que nesta decisión "case todo apunta a Vigo".

1285850502Cruceiro.jpg

Santi Domínguez asegura que a reforma da rúa Cruceiro Vello de Bouzas "mantén a liña da preservación do patrimonio"

xoves, 30 set 2010

O tenente de alcalde e concelleiro de Cascos Históricos, Santi Domínguez, destacou este xoves que a reforma da rúa Cruceiro Vello de Bouzas, que supuxo un investimento de 205.000 euros, "mantén a liña de preservación do patrimonio e dos nosos tesouros". Santi Domínguez explicou que a remodelación incluíu o cambio do pavimento, abastecemento e saneamento, separación de augas e alumeado, así como a rehabilitación do cruceiro, que data do ano 1800.

1285849098xulio.jpg

Calviño anuncia que os coches pouco contaminantes poderán circular polo carril bus de Gran Vía

xoves, 30 set 2010

O concelleiro de Mobilidade avanzou hoxe xoves esta medida na presentación das I Xornadas sobre Sistemas Intelixentes de Transporte en Galicia, a celebrar mañá en Vigo. Ademais de taxis e buses, o que chamarase carril verde poderá empregarse por coches con máis dun ocupante e tamén por vehículos eléctricos, híbridos e pouco contaminantes, que están exentos de taxas municipais. Esta alternativa entrará en vigor este ano, será experimental e estudarase a súa aplicación noutros puntos da cidade.

1285850536Corre.JPG

Xabier Alonso anuncia que o 4 de outubro comeza unha nova edición de "Corre con Vigo", gratuíta e sen límite de idade

xoves, 30 set 2010

O concelleiro de Deportes, Xabier Alonso, anunciou hoxe que o vindeiro luns, 4 de outubro, comezará unha nova edición do programa "Corre con Vigo", que se desenvolverá no parque de Castrelos, na explanada fronte o auditorio. O edil nacionalista salientou que con esta iniciativa, a Concellería de Deportes quere cumprir o obxectivo de "potenciar o deporte entendido como saúde".

O alcalde inaugura en Cabral o Parque da Grileira no que se investiron 43.000 euros

xoves, 30 set 2010

A parroquia viguesa acapara máis de dous millóns de euros de investimentos nestes tres últimos anos de goberno municipal. O parque que se inaugura na tarde deste xoves únese a outros sete que poñen de manifesto a aposta do Concello vigués polas parroquias de Vigo e pola calidade de vida dos seus habitantes. Saneamento, limpeza ou mantemento son outras das partidas importantes deste investimento.