luns, 3 mai 2010
O tenente de alcalde, Santi Domínguez, anunciou este luns o investimento de 1.146.000 euros para a execución de novas actuacións de mellora no Casco Vello, con cargo aos fondos do plan FEIL 2010. Segundo destacou o nacionalista, o proxecto consiste na continuación de renovación do alumeado e os servizo públicos e o impulso dun plan de ornamentación no barrio que permitirán rematar o 2010 cun 90% do Casco Vello remodelado.<br />
luns, 3 mai 2010
Abel Caballero informou de que a Xunta de Goberno Local aprobou hoxe luns a substitución da cuberta do Parque Central, o "comezo dunha gran reforma" que afectará a todo o edificio de Bombeiros de Teis. O alcalde indicou que a mellora permitirá que os vehículos conten cun estacionamento individual con saída automática, para gañar en axilidade no caso dunha emerxencia.
luns, 3 mai 2010
Unha delegación do Concello de Vigo, integrada polo alcalde, o tenente de alcalde e o concelleiro de Deportes, recollerá esta tarde o Premio Nacional de Deportes do Consejo Superior de Deportes. Ás 19 horas, SS.MM. os Reis, os Príncipes de Asturias e as Infantas Dona Elena e Dona Cristina, acompañados polo secretario de Estado para o Deporte, Jaime Lissavetzky, presidirán a entrega dos galardóns, que se celebrará no Palacio Real de Madrid e que supón o recoñecemento á traxectoria deportiva de Vigo.
