O tenente de alcalde anima á cidadanía a presenciar mañá no Ifevi o Racingshow 2010, "un espectáculo grandioso"
O tenente de alcalde, Santi Domínguez, fixo un chamamento aos vigueses e viguesas para que mañá se animen a visitar o Ifevi e presenciar o Racingshow 2010, ao seu xuízo "un espectáculo grandioso". Na presentación do circuíto, o nacionalista tamén salientou que contar coa participación de tres campións internacionais como Timo Salonen, Miki Biasion e Armindo Araujo é "unha oportunidade única".
A cuarta edición do Racingshow, terá lugar mañá 1 de maio no pavillón 3 do Ifevi, no marco do Salón do Automóbil de Vigo. Segundo destacou o tenente de alcalde, a súa celebración na cidade "contribúe á consolidación de Vigo como referente no ámbito deportivo, pero tamén nos eidos económico e industrial".
Unha das novidades do Racingshow 2010, ademais da presenza dos tres campións internacionais, consiste no novo trazado exterior do circuíto, co que se amplía o percorrido para que os coches poidan ofrecer o mellor espectáculo. O tenente de alcalde tivo a oportunidade de probalo xunto ao campión do Mundo de Rallys, Miki Biasión. Como novidade haberá tamén gradas no exterior para seguir en directo a proba nesta parte do percorrido.
O evento será nunha soa xornada, de xeito que pola mañá terán lugar os adestramentos e pola tarde serán as roldas de clasificación, a presentación dos pilotos e a final e a súper final da carreira de campións. As entradas pódense mercar en www.servinova.com a un prezo de 20 euros.
Descargar todas as imaxes
Unha das novidades do Racingshow 2010, ademais da presenza dos tres campións internacionais, consiste no novo trazado exterior do circuíto, co que se amplía o percorrido para que os coches poidan ofrecer o mellor espectáculo. O tenente de alcalde tivo a oportunidade de probalo xunto ao campión do Mundo de Rallys, Miki Biasión. Como novidade haberá tamén gradas no exterior para seguir en directo a proba nesta parte do percorrido.
O evento será nunha soa xornada, de xeito que pola mañá terán lugar os adestramentos e pola tarde serán as roldas de clasificación, a presentación dos pilotos e a final e a súper final da carreira de campións. As entradas pódense mercar en www.servinova.com a un prezo de 20 euros.