xoves, 25 marzo 2010

A Universidade de Vigo galardonada coa Medalla da Cidade

A Corporación Municipal aprobou hoxe, nun pleno extraordinario, a concesión da Medalla da Cidade 2010 á Universidade de Vigo, e que se entregará no acto institucional que terá lugar o venres, día 26, ás 20 horas, na sala de exposicións da Zona Franca. No transcurso do acto tamén entregaranse os galardóns dos Vigueses Distinguidos 2010 que serán Aurelio Pérez, a Cooperativa de Armadores, Diálogos 90, Escolas Ramón Nieto, Fogar e Clínica San Rafael, Sociedade Helios de Bembrive e Teo Cardalda.<br /> <br />

1269523389calvino.jpg

A Avenida de Castrelos primará o acceso á praza de América e a Florida o tráfico de saída da cidade

xoves, 25 mar 2010

Unha vez rematada a humanización das avenidas, o concelleiro de Mobilidade, Xulio Calviño, presentou este xoves a nova ordenación do tráfico no entorno. Desde o luns 29 de marzo, a Avenida de Castrelos priorizará o acceso á cidade, mentres que Florida canalizará as saídas da urbe. A Avenida de Fragoso terá dous carrís de baixada e un de subida, e a Avenida de Balaídos cambiará de sentido, igual que Caleira, García Lorca e Quintela, entre outras. Unha docena de rúas veranse afectadas neste "cambio a mellor" do tráfico na zona.

A este anuncio súmanse as obras previstas noutros dous centros máis que permitirán que Vigo dispoña o vindeiro curso de 8 escolas infantís municipais e 750 prazas

O alcalde informa da licitación de dúas novas escolas infantís municipais que ofertarán 160 prazas

xoves, 25 mar 2010

O alcalde de Vigo, Abel Caballero, anunciou hoxe que a Xunta de Goberno ven de aprobar as inversións para a construcción de dúas novas Escolas Infantís municipais. A primeira delas estará na rúa Tomas Alonso, ofertará 80 prazas e contará con 270 metros cadrados e unha inversión de 246.000 euros.

1269525195pisosvia.jpg

Nove persoas en risco de exclusión son atendidas en dous pisos do Programa Vía para a súa transición á vida autónoma

xoves, 25 mar 2010

A concelleira de Benestar Social, María Méndez, destacou este xoves que nove persoas participan no Programa Vía de transición á vida autónoma, que se desenvolve en dous pisos. A edil sinalou que se trata dun recurso novidoso, que se puxo en marcha en xuño do ano pasado, co obxectivo de ampliar os programas municipais destinados a integración das persoas en risco de exclusión social.

1269525103cenrtodocumentacion.jpg

Santi Domínguez salienta que o Centro de Documentación e Recursos Feministas é unha aposta pola igualdade

xoves, 25 mar 2010

O tenente de alcalde, Santi Domínguez, a concelleira de Igualdade, Iolanda Veloso, e o edil de Cultura, Xesus López, destacaron este xoves que hoxé é "un día moi importante para Vigo" pola posta en marcha do Centro de Documentación de Recursos Feministas no segundo andar da Biblioteca Central. Santi Domínguez salientou asemade que a apertura deste centro amosa "a nosa aposta pola igualdade entre homes e mulleres e a defensa dos dereitos das mulleres".

1269523703alcademarco.jpg

O MARCO acolle a Colección Espacio Atlántico da feira de arte contemporánea de Vigo

xoves, 25 mar 2010

Espacio Atlántico e o MARCO, Museo de Arte Contemporánea de Vigo, asinaron hoxe xoves 25 de marzo un convenio polo que a feira de arte de Vigo cede en depósito ao centro as obras que integran a Colección Espacio Atlántico, iniciada este ano 2010 coa adquisición de traballos de sete artistas: o brasileiro José Bechara, o portugués Francisco Tropa, os españois Ana Soler e Karmelo Bermejo, e os galegos Misha Bies Golas e Antía Moure. A directora da feira, Marta Scarpellini, e o presidente do Padroado do MARCO e alcalde de Vigo, Abel Caballero, fixeron efectiva a sinatura do convenio na sede do museo vigués, que xa acolle esta colección que se integrará en futuras exposicións.