venres, 16 maio 2008

A Xunta da a súa aprobación definitiva ao Plan Xeral de Vigo

Despois de oito anos de tramitación e quince desde a aprobación do último, Vigo xa conta cun novo Plan Xeral de Ordenación Municipal. A Consellería de Política Territorial da Xunta de Galicia resolveu este venres aprobar "masivamente" o documento, que recibe o visto bo ao 99% da superficie nunha aprobación "sen precedentes" nas grandes cidades galegas. O alcalde, Abel Caballero, avanzou que "acaba de empezar unha nova época na cidade"<br />

Retorno da escultura de Curros Enriquez á Alameda

venres, 16 mai 2008

Tras ser levada ao Monte do Castro no ano 1965, este venres foi devolta a escultura de Manuel Curros Enriquez á Alameda de Vigo, o lugar que ocupou desde que se inaugurou no ano 1911. Este ano se cumpre o centenario do pasamento do escritor e os alcaldes de Vigo e de Celanova inauguraron o retorno do busto ao seu emprazamento orixinal.

Exposición "Xosé María Álvarez Blázquez, arqueólogo de Vigo" no museo de Castrelos

venres, 16 mai 2008

A concelleira de Patrimonio Histórico, Elena Maure, reivindicou este venres a importancia da figura de Xosé María Álvarez Blázquez para Vigo no acto de inauguración da exposición "Álvarez Blázquez. Arqueólogo de Vigo" no museo de Castrelos. A mostra, que pode visitarse dende hoxe e ata o 20 de xullo, reflicte a traxectoria de quen foi o primeiro comisario local das excavacións arqueolóxicas da cidade dende 1949 e impulsor da creación da sección de arqueoloxía do museo, da hemeroteca municipal e da conservación dos restos arqueolóxicos do municipio, e a quen este ano se lle adica o Día das Letras Galegas. <br />

Actos do Concello do "Día das Letras Galegas"

venres, 16 mai 2008

Unha ruta a pé pola rúas da cidade para coñecer os lugares onde foi protagonista a lingua galega, obradoiros no Verbum e o Marco, exposicións no museo "Quiñones de León", teatro , un xantar-romería en música en Castrelos son as actividades que organiza o Concello de Vigo o día 17 de maio con motivo do "Día das Letras Galega"

Cento vinte mulleres participan no primeiro obradoiro erótico "Os praceres de Lola" organizado pola Concellería de Igualdade

venres, 16 mai 2008

Un total de cento vinte mulleres participarán no primeiro obradoiro erótico, denominado "Os praceres de Lola", organizado pola Concellería de Igualdade, segundo anunciou hoxe a concelleira Iolanda Veloso. "Dar a coñecer aspectos da sexualidade feminina nun ambiente distendido e relaxado dende unha perspectiva feminista é o obxectivo fundamental desta iniciativa, que terá lugar no Centro Cívico do Casco Vello", subliñou a concelleira de Igualdade.

MOBILIDADE E SEGURIDADE

Peche de tráfico das rúas García Barbón e Policapo Sanz polas obras de construción dun aparcadoiro soterrado

venres, 16 mai 2008

Ponse en coñecemento do público en xeral quea partires das 08:00 horas do próximo luns dia 19 de maio, e por mor das obras de construcción do aparcadoiro soterrado das rúas García Barbón e Policarpo Sanz, a circulación cara o centro urbano polas rúas Paseo de Alfonso XII, Elduayen e Policarpo Sanz quedará prohibida, agás para o transporte público (BUS e TAXI).<br />