O concelleiro Ignacio López Chaves visitou a mañá do luns o Xardín Inglés do Pazo de Castrelos para comprobar as melloras na zona. O concello aportou 125.000 euros para rehabilitar dous muros laterais do espazo axardinado que estaban danados e causaban unha gran perda de auga.
A Xunta de Goberno Local adxudicou o concurso para execución das obras de supresión de barreiras arquitectónicas á empresa Sercoysa Proxectos e Obras S.A, por un importe de 113.016 euros que contempla a adaptación dos pasos de peatóns á Lei de Accesibilidade e Supresión de Barreiras na Comunidade Autonoma de Galicia.
O fillo do desaparecido Bob Marley, Ziggy Marley, pecha o festival Para Vigo Me Voy 2006 no Auditorio de Castrelos o 25 de xullo ás 23.00. O cantante é unha das figuras máis representativas do reagge e da música latina. Neste concerto actuará como artista invitado o vigués, Puto Coke.
Ata o día de hoxe, un total de 108 penados/as cumpriron as súas penas con servizos á comunidade dentro do convenio de colaboración entre o Concello de Vigo e Institucións Penitenciarias. O programa municipal de cumprimento de penas coordínase desde a Oficina Municipal de Voluntariado.