Caballero expresa ás xogadoras do Celta Zorka o "orgullo" de Vigo polo seu regreso á primeira división do baloncesto
O alcalde felicitou este martes ás xogadoras e á directiva do equipo Celta Femxa Zorka por volver competir na máxima categoría do baloncesto feminino nacional. "Xogades marabillosamente ben. Sodes grandes xogadoras. Os dous partidos da fase de ascenso foron excepcionais, cargados de calidade, do voso liderado e do voso triunfo", afirmou Abel Caballero ao destacar que "na pista sodes forza, paixón, calidade e entrega".
