Aberto o prazo de solicitude das becas para estadías no estranxeiro do alumnado da Escola Oficial de Idiomas
Desde hoxe ata o mércores 12 de marzo permanecerá aberto o prazo para que o alumnado da Escola Oficial de Idiomas solicite unha das 50 becas de aprendizaxe de idiomas no estranxeiro convocadas e financiadas polo Concello
Abel Caballero lembrou hoxe que o Concello destinará máis de 88.000 euros ás becas para que 50 alumnos da Escola Oficial de Idiomas realicen estadías lingüísticas no estranxeiro.
Os beneficiarios das axudas municipais recibirán entre 1.700 e 2.200 euros, segundo apuntou o rexedor.
O estudantado poderá solicitar unha bolsa para unha das 20 prazas no Reino Unido e Irlanda; así como para as 6 de Francia; as 5 de Alemaña; as 8 de Italia, as 3 de Portugal, as 6 de Xapón ou as 2 de China.
Caballero lembrou que a cobertura das axudas esténdese desde o custo das viaxes á estancia, entre outros gastos.