O Concello designa Vigués Distinguido, a título póstumo, a Iván Martínez polo seu traballo no Banco de Alimentos
O alcalde anunciou este mércores que o Concello entregará o galardón de Vigués Distinguido, a título póstumo, a Iván Martínez polo seu traballo durante catro años á fronte do Banco de Alimentos. Caballero comunicou a decisión aos novos responsables da ONG durante a visita realizada ás instalacións de Sárdoma para animar á cidadanía a participar como voluntarios na campaña “Zampakilos Solidario”.
“Queremos manter a memoria de Iván Martínez porque fixo un gran traballo na cidade e ten o mérito da súa dimensión social a favor dos necesitados”, explicou Abel Caballero ao avanzar a entrega da distinción da cidade na gala que terá lugar o mércores 26 de marzo no Teatro García Barbón.
Visita
Abel Caballero, tras agradecer o “magnífico traballo” que realizan os voluntarios do Banco de Alimentos durante todo o ano, animou á cidadanía para participar na nova campaña de recollida “Zampakilos Solidario” que terá lugar os días 14 e 15 de marzo co obxectivo de igualar ou superar os 60.000 quilos recadados na provincia de Pontevedra na última edición.
O alcalde incidiu na necesidade da ONG de contar con entre 600 e 700 voluntarios para a iniciativa en que participan 40 supermercados
