Vigo rexistrou en xaneiro o maior número de turistas nacionais de toda a súa historia
Abel Caballero deu conta esta mañá dos datos do INE que confirman niveis de turismo “insuperables” durante o pasado mes de xaneiro. Trátase do mellor dato da historia, superando en máis dun 20% a cifra rexistrada en 2024.
O Instituto Nacional de Estadística vén de facer públicos os datos de xaneiro, cando Vigo rexistrou o maior número de turistas nacionais de toda a súa historia, cun incremento de máis dun 20% respecto do ano pasado. As pernoctacións tamén medraron en máis dun 5%, segundo avanzou o rexedor.
Estes datos confirman que a cidade aportou o 65% dos viaxeiros da provincia de Pontevedra e máis dun 20% de toda Galicia. Vigo recibiu o primeiro mes do ano máis turistas que outras urbes galegas como Santiago ou A Coruña.