30.000 fogares vigueses dispoñen do kit de reciclaxe de residuos
As persoas interesadas en facerse cun equipo de reciclaxe de residuos para o seu domicilio poden solicitalo a través da web www.vigocidademaislimpa.com, onde atoparán información sobre os puntos de entrega a pé de rúa. Os kits, compostos por un cubo e bolsas biodegradables, están sendo utilizados xa por 30.000 viguesas e vigueses para depositar os restos orgánicos, que logo se levan ao contedor marrón, que se abre necesariamente coa PassVigo. Os técnicos en divulgación ambiental realizaron xa 209 accións informativas na rúa e en centros educativos.
