Escoitar

O alcalde collerá "o pulso da cidade para levantar a voz en defensa do aeroporto"

O rexedor transmitiu hoxe xoves ao comité de empresa de Peinador a súa vontade de "levantar a voz, xunto coa cidade, en defensa do aeroporto, unha infraestrutura fundamental para a industria e a economía de Vigo". Ao longo da reunión que mantiveron esta mañá na Alcaldía, Caballero constatou a "preocupación e indignación" destes traballadores, unha sensación que, na súa opinión, comparte o resto da cidadanía.

xoves, 18 abr 2013
1366284959aena.JPG
Proseguindo coa rolda de contactos que o rexedor vai manter para analizar a situación do aeroporto, Caballero mantivo hoxe xoves un encontro co comité de empresa de Peinador. Durante a súa comparecencia posterior, o rexedor apuntou que durante o encontro constatou "preocupación e indignación, como no resto da cidade" polo abandono activo de Peinador por parte da Xunta de Galicia. Logo de reiterar a súa vontade de "seguir na defensa dunha infrastrutura fundamental para a industria e economía", criticou unha vez máis a competencia desleal que sufre por parte dos aeoroportos de Santiago e Oporto, con vóos subvencionados pola Xunta e goberno portugués, respectivamente.

Avanzou a posiblidade de que a Xunta esté a valorar la renovación das axudas a Ryanair en Lavacolla, logo de que o ano pasado aseguraran que estas axudas distorsionaban a competencia. Acusou ao presidente da Xunta de usar os recursos de Vigo contra Peinador porque "sen subvencións Lavacolla non podería competir coa terminal viguesa". Caballero rematou reiterando a súa intención de "coller o pulso da cidade para levantar a voz en defensa do aeroporto".
Descargar todas as imaxes