O alcalde avanzou que o PXOM prevé zonas de realoxamento para os afectados pola construción desta “irrenunciable” infraestrutura aos que se lles ofrecerá a oportunidade de seguir vivindo na mesma zona ou de trasladarse. Insistiu en que a cidade leva 30 anos esperando por esta autovía, tendo en conta que o tramo Vigo- O Porriño é o punto negro máis “dramático” de toda España.
Abel Caballero asistiu este mércores á doazón á Fundación Penzol dos fondos documentais de Xesús Alonso Montero relacionados coa actividade oratoria do catedrático de literatura galega e membro da Real Academia Galega e do Consello da Cultura Galega.
O 15 de febreiro o grupo de folk presentará no teatro Afundación o seu último traballo "Luar na Lubre XX. Encrucillada", un libro-disco que recolle algún dos seus temas emblemáticos e no que contan coas voces de Pablo Milanés, SÉS, Rosa Cedrón e outros artistas que colaboraron coa formación galega. Caballero felicitounos pola súa traxectoria, de case corenta anos, e por elixir Vigo para dar a coñecer o seu novo traballo.
O alcalde recibiu á organización da Bikedada, que se celebrará o 9 de febreiro. Caballero felicitou a Social Ciclismo Fan Manager, e aos colaboradores como o Club Ciclista Vigués, Club Ciclista de Teis e outros que forman parte do evento. “A Bikedada é unha das probas de bicicleta de montaña na súa modalidade social – deportiva máis importantes a nivel nacional”, declarou.