O alcalde avanzou hoxe mércores que o Concello optará este ano a un recoñecemento máis para as praias viguesas: a Bandeira Azul para o areal O Mende en Teis e repite a candidatura para os 5 sendeiros azuis da cidade.
O alcalde deu conta da clasificación publicada por Education First que sitúa a Vigo á cabeza de España no coñecemento do idioma inglés. A cidade consegue esta posición por terceiro ano consecutivo.
Abel Caballero visitou este mércores as instalacións da empresa Delta Vigo, situadas no Parque Tecnolóxico e Loxístico de Valadares. Tras percorrer as dependencias industriais co delegado de Zona Franca, David Regades, o presidente da empresa, Francisco Puga, entregoulle o libro de conmemoración dos 75 anos de Delta Vigo. Ante a dirección da empresa e o persoal, o alcalde puxo en valor o traballo e a traxectoria de Delta como un “modelo de industria, con tradición, capacidade tecnolóxica e emprego de alta calidade, competindo con éxito coas mellores empresas do mundo. Delta representa unha parte da alma de Vigo”.
A comisión municipal de axudas de emerxencia aprobou nos 15 primeiros días de 2025 un total de 73 apoios por valor de 21.650 euros, segundo explicou este mércores o alcalde de Vigo.