O alcalde e o concelleiro de Deportes visitaron este martes o resultado das obras de mellora realizadas no céspede do campo de fútbol e de hóckey así como da remodelación da pista de rodadura, do Pavillón de As Travesas. Estas obras contaron cun investimento de 408.000 euros.
O alcalde avanzou esta mañá que a Casa das Artes volverá acoller o xa tradicional Belén de Nadal que este ano contará con 50 m2 máis de exposición. O Goberno local adxudicou esta montaxe á Agrupación Belenista La Morana cun importe de 192.461 euros para as campañas de 2024 e 2025.
O alcalde manifesta de novo que a cidade quere coñecer a puntuación do resto das candidaturas seleccionadas para o Mundial 2030 e responde: “Se falamos de financiamento, Vigo ten débeda cero”.
O alcalde avanzou esta mañá que o Pazo de Castrelos albergará a partir do xoves e durante un mes unha exposición da mellor cerámica castrexa de Galicia. Esta “extraordinaria” mostra reunirá 75 réplicas cerámicas procedentes dos 24 xacementos máis representativos de toda Galicia.
Este martes, 15 de outubro, o Concello súmase a conmemoración do "Día Internacional da perda xestacional, neonatal e perinatal" iluminando de rosa e azul as fontes de Aragón. A iniciativa ten como obxectivo concienciar e sensibilizar á sociedade sobre a necesidade de proporcionar maior compresión e apoio tanto as mulleres como as súas parellas, familias e contorna próxima ante a perda dun bebé durante o embarazo, o período neonatal ou o primeiro ano de vida.
Abel Caballero participou este martes na inauguración do novo centro de maiores que prestará servizo de atención e coidados nas súas instalacións de Tomás Alonso. O alcalde, xunto á concelleira de Benestar Social, Yolanda Aguiar, visitou os diferentes espazos do centro, que conta con 125 camas, acompañado da dirección e parte do equipo, e valorou a súa situación e o seu proxecto de atención ás persoas maiores.