O goberno municipal vén de recibir o informe positivo de Augas de Galicia autorizando as obras de remodelación da vía e pide “celeridade á Xunta” na tramitación do permiso autonómico.
O alcalde informou este mércores da evolución dos traballos para completar a senda do río Lagares, que cando remate o tramo que está en execución nestes momentos, sumará case 11,5 quilómetros de percorrido desde Manuel Álvarez ata Samil.
Abel Caballero demandou este xoves a gratuidade da autoestrada AP-9 non só para o traxectos entre Vigo e Pontevedra, se non tamén para os de toda Galicia, tras recordar que a decisión de ampliar a concesión a concesionaria Audasa, que mantén a obrigación do pago de peaxe aos galegos ata o ano 2048, foi acordada no ano 2000 polo goberno do Partido Popular presidido por José María Aznar. “Esta é a gran ocasión ” de reclamar a eliminación do pago da peaxe e, por tanto, de fixar a gratuidade, afirmou o alcalde ante o segundo expediente aberto pola Dirección Xeral de Mercado Interior e Industria da Comisión Europea pola ampliación, sen concurso público, da concesión por outros 25 anos.
O alcalde reivindica a importancia da liña de alta velocidade entre Vigo e Porto e pide “manter o pactado entre Portugal e España” para darlle prioridade a súa construción e que estea en funcionamento a partir do 2030.
Nove décadas ao pé da información, da actualidade, e do entretemento, desenvolvidas por Radio Vigo, quedan reflectidas na exposición conmemorativa inaugurada este xoves na Casa Galega da Cultura. “Son 90 anos de saber o que está a pasar no mundo desde unha visión da cidade, da credibilidade e da fiabilidade”, indicou Abel Caballero. “Sodes compañeiros de viaxes perennes e en todas as causas xustas desta cidade sempre estivestes e estades ao carón da cidade ”, asegurou o rexedor, tras incidir en que “Radio Vigo está sempre ao servizo e en defensa da cidade”.
Sandra Fernández Cabello e Ana Sáa Sánchez trasladáronlle ao alcalde os proxectos de Carrefour na cidade xa que, trala apertura dun supermercado exprés na Plaza Elíptica, non descartan a habilitación de novos espazos comerciais ao constatar que Vigo responde "moi ben" á súa proposta comercial e manteñen a "ilusión" de seguir ampliando a súa presenza.
Abel Caballero trasladou este xoves ao alumnado de terceiro e cuarto de Educación Secundaria dos institutos República do Uruguai, A Guía, Álvaro Cunqueiro e Alexandre Bóveda, que participan no primeiro torneo de debate escolar entre distintos centros públicos de Vigo, a importancia de desenvolver as habilidades de argumentación en público e de manter o interese por estar informados e formados. A xornada de apertura do torneo que se celebra no Auditorio Municipal, confrontou a 6 equipos de 4 alumnos cada un, con dobre participación do IES República do Uruguay, e centrouse no tema de se os estados deben controlar a intelixencia artificial. O luns 29 terá lugar a final, tamén no Auditorio Municipal. O alcalde remarcou a iniciativa dos catro institutos organizadores por colocarse á altura da universidade.
O alcalde recibiu hoxe no Concello aos alumnos do CEIP Santa Mariña de Cabral que participan no programa municipal “Visita o teu concello”. Caballero, acompañado pola concelleira de Educación, Olga Alonso, explicou os escolares a importancia da iniciativa que lles permite coñecer as dependencias do Concello onde se adoptan as decisións pensadas para mellorar a vida da cidadanía, así como a trascendencia de ser conscientes da importancia de Vigo, “a mellor cidade do mundo”. Animou aos estudantes aesforzarse nos estudos para participar dentro de catro anos nas becas municipais do programa “Vigo en Inglés”.