mércores, 15 marzo 2023

Persoas de todas as provincias visitaron Vigo no Nadal

mércores, 15 mar 2023

Abel Caballero deu a coñecer este dato ofrecido polo estudo de medición a través de teléfonos móbiles para a época de Nadal. Caballero lembrou que Vigo rexistrou 5.345.759 visitantes entre o 19 de novembro e o 15 de xaneiro. Os visitantes nacionais chegaron de todas as provincias de España e tamén das cidades autónomas de Ceuta e Melilla. O alcalde tamén cifrou en 1.642 os municipios rexistrados de todo o país e todos os concellos de Galicia, segundo a procedencia das persoas. "O perfil de turista é fundamentalmente familias, case a metade dos visitantes", explicou sobre o perfil dos visitantes.

O alcalde visitou as melloras realizadas no volcán de Coia

mércores, 15 mar 2023

A fonte do Volcán estará operativa entre as 10:00 e as 00:00 horas. Caballero sinalou que "realizamos moitas melloras" como a reparación do variador de frecuencia, o sistema que permite que arrinquen os chorros, e automatizouse o funcionamento dos chorros poñendo unha frecuencia de 5 variacións. A maiores renovouse o cableado e fíxose unha limpeza da fonte.

Caballero acompaña ao alumnado do colexio Calasancias no “bautizo” dunha oliveira

mércores, 15 mar 2023

O alcalde achegouse esta mañá ao colexio Padre Miguel Calasancias de Vigo para participar no “bautizo” dunha oliveira que o Concello donou ao centro educativo para que a prantara na entrada. Al lado de “Oliveto” e da man do alumnado, Caballero tivo oportunidade de coñecer as actividades que desenvolven en defensa de conceptos como a ecoloxía integral ou a economía circular. Durante a visita, Caballero felicitounos porque o colexio foi elixido sede clasificatoria rexional de a WRO (World Robot Olympiad), competición de robótica de ámbito internacional.