O alcalde anunciou que haberá reforzos nas liñas de Vitrasa, en especial as que unen os distintos escenarios de O Marisquiño, e un carril bici exclusivo na Avenida de Europa.
A danza tamén formará parte das festas de verán de Vigo, cun gran espectáculo organizado o 16 de xullo en Castrelos. Trinta academias e grupos de baile e catrocentos bailaríns darán vida a un evento multidisciplinar que comezará ás 19,00 h.
O alcalde de Vigo reiterou esta mañá na inauguración de Seafest “que falar de pesca en Vigo é falar de nós mesmos porque ninguén quere ao mar tanto como Vigo”. Durante a súa intervención, garantiu o apoio do goberno municipal a esta iniciativa pola súa transcendencia na economía local, lembrando que Vigo é o primeiro porto para consumo humano do mundo.
O segundo campus deportivo municipal de Vigo puxo punto e final ás actividades desenvolvidas ao longo desta semana coa visita de Abel Caballero, que agasallou ao centenar de nenas e nenos participantes cunha medalla para lembrar o seu paso pola actividade. O rexedor celebrou o éxito desta nova edición no Pavillón das Travesas, agradecendo o traballo do persoal municipal. A vindeira semana, en Samil, celébrase o último dos tres campus polideportivos municipais previstos para este verán.
A Samil chegarán un total de 61 parellas de todo o país, pero tamén de Grecia, Francia, Italia e Brasil, que están a competir no circuíto español.