Por primeira vez en décadas sen o paso elevado á AP9, Alfonso XIII está aberta ao tráfico desde este xoves e ata finais de mes. Será entón cando volva pecharse á circulación para continuar ás obras, entre estas, a demolición da actual estación provisional de tren. Así, desde comezos do próximo mes, o acceso rodado e peonil terá lugar pola praza superior do edificio.
O alcalde avanzou este xoves que a Xunta de Goberno Local do Concello de Vigo aprobou o contrato de coordinación de seguridade e saúde para as obras de reforma da grada de Marcados. A reforma comezará en marzo e o prazo de execución da obra é de 18 meses.
Abel Caballero avanzou que o Concello seguirá a repartir máscaras entre a cidadanía, neste caso, 200.000 unidades que vén de aceptar como doazón dunha entidade privada. Os sábados 6 e 13 de febreiro está previsto un reparto de material de protección nos mercados municipais.
O rexedor detallou que, nesta xornada, o goberno municipal iluminará de verde as fontes da rúa Aragón e a marquesiña da Praza de América, amais de proxectar o cartel conmemorativo deste 4 de febreiro na fonte da pantalla de Rosalía de Castro baixo o lema "Son eu e vou a". Son as accións coas que a cidade se suma á conmemoración desta data.