Abel Caballero detallou esta mañá as contas municipais para 2021 no apartado da política social que case alcanzan os 20 millóns de euros. Ademais de enumerar as principais partidas, como a axuda no fogar ou o programa de menores, reiterou que as axudas de emerxencia non terán límite orzamentario.
Abel Caballero continuou este mércores detallando as grandes cifras do orzamento para o ano que vén, aprobado a pasada tarde pola Xunta de Goberno Local. O alcalde destacou o incremento ata os 8,4 millóns na partida de emprego, os 11,7 millóns para o deporte e os 6,2 millóns destinados á cultura.
O alcalde de Vigo fixo este mércores un novo chamamento á cidadanía para que se cumpran as medidas tomadas fronte a evolución do Covid-19. Caballero insistiu na necesidade de aumentar o número de rastrexadores e de PCRs, así como reforzar a Atención Primaria.