O Consorcio e a Autoridade Portuaria rubricaron un protocolo de actuacións para o impulso e desenvolvemento económico de Vigo e a súa área, eloxiado este luns por Abel Caballero por afrontar cuestións “tan importantes da conexión Porto-cidade”. O texto inclúe un novo aparcamento en Montero Ríos, pactos na terminal de Bouzas e nos xardíns de Areal.
O alcalde informou que, logo da paralización do procedemento polo Covid-19, en dúas semanas retomarase a execución desta obra “excepcional” que ten un importe de 3,5 millóns de euros.
Segundo expuxo, a Policía Local informou do cumprimento das normas por parte dos bañistas nas praias malia que tiveron que impoñer 60 denuncias durante a fin de semana polo uso da máscara de protección.
As festas da cidade continúan este luns adaptadas á “nova normalidade”, con catro eventos ás 20:30 horas en diferentes puntos da cidade: o “Festival Folclórico Internacional” en Bembrive, “Vigo, un mar de bandas” na Porta do Sol, ViKul en Bouzas e a obra teatral “O pequeno coello branco” en Castrelos. Todas con entrada gratuíta.